Пуш — хальхи календарьпе 3-мӗш уйӑх, чӑвашсен календарӗнче 2-мӗш пулнӑ.

Пуш уйӑхӗнче 31 кун.

Ҫанталӑка сӑнланинчен

• Пуш уйӑхӗ уяр килсен ҫуркунне тӑршшӗпех уяр тӑрать.
• Пуш уйӑх тунӑ кун кантӑк ҫине пӑр шӑнсан ҫав ҫул хӑяр ӑнать.
• Эхер те пуш уйӑх уяр килсен, ҫанталӑк лӑпкӑ пулсан, тӑнӑҫ тӑрсан ҫур лайӑх пулать, ҫу тӑршшӗпех ҫанталӑк лайӑх тӑрать, тӗрлӗ тыр-пул ӑнса пулать.
• Пуш уйӑхӗн малалла тӑхринче ҫанталӑк ҫиллӗ пулсан пӗтӗм ҫу ҫиллӗ пулать.
• Пуш уйӑх тусан урамра шыв курӑнсан шыв вӑйлӑ анать; ҫырмара шыв ейӳ каять.
• Эхер пуш уйӑх ӑшӑра тусан, тумла юхсан юр час каять, ҫу каҫа ӑшӑ тӑрать.
• Алтакки кунӗ кӑнтӑрлаччен ҫанталӑк лӑпкӑ тӑрсан, кӑнтӑрла иртсен ҫил тухсан ҫав ҫӑвӑн ҫурри лайӑх пулать, ҫурри йӗпе-сапа пулать.
• Пуш уйӑх тӑманлӑ ҫанталӑкра тусан хура тула килӗшет.
• Пуш уйӑх пуҫланнӑ чух ҫил кай енчен (кӑнтӑртан) пулсан тыр-пул аван пулать, эхер те мал енчен е ҫурҫӗр енчен вӗрсен тыр-пул начар пулать.
• Пуш уйӑх тунӑ чух ҫил ӑҫтан пулать пӗтӗм ҫу ҫапла пулать.
• Пуш уйӑх уяр тӑрать — пахчара хӑяр пулать.
• Пуш пуҫӗнче тумла юхсан ҫу лайӑх пулать.
• Пуш пуҫламӑш кунӗ ҫерҫи сӑхмалӑх шыв пулсан ҫу лайӑх килет.
• Пуш уйӑхӗнче пӗрремӗш эрне кун юр ҫусан чиклевӗк (мӑйӑр) нумай пулать, хӑмла лайӑх пулать.
• Пуш уйӑхӗн каялла тӑхрине юр ҫусан ыраш лайӑх пулать.

Ҫавӑн пекех пӑхӑр

• Пуш уйӑхӗ (Ҫулталӑк ярӑмӗнчен)